Duojár Fredrik Prost lea várrestivralahttu easka álggahuvvon searvvis ja son dadjá SR Sámerádioi:
Mii dárbbašit ealáhussearvvi mii bargá duojáriid ja dáiddáriid buorrin.
Mii leat maid geigen gieđa Sámi duodjái ja mii háliidit ovttasbargat singuin.
Searvi lea ekonomalaš searvi man miellahtut stivrejit.
Ulbmil servviin lea vuhtiiváldit ja hálddahit sámi dáiddálaš kulturárbbi ja dan ovdii bargat ahte sámi duojárat ja dáiddárat guhkilmasat háhkat birgejumi iežas dujiin ja dáidagiin.
Searvi galgá nai dahkat vejolažžan miellahtuide ahte gazzat lassedieđu ja máhtu iežas suorggis ja lea maiddái rabas sámi duojáriidda ja dáiddáriidda iežá riikkain.
Fredrik Prost dadjá ahte son jáhkká dárbu dán searvái lea boahtan das go oalle olus leat jáhkkán ahte Sámiduodji lea miellahttosearvi ja duojáriid ovddasteaddji muhto maŋemus golbma jagi dat lea čielgan ahte dat ii nu.
- Dal mii leat ceggeme ja ráhkadeame structuvrra ahte mis lea bistevaš stivra mii čohkká vissis áiggi.
Jahkečoahkkin galgá leahkit miessemánus ja mii galgat dal ohcat ruđaid, dadjá Fredrik Prost.
Guldal olles jearahallama duojáriin Fredrik Prostain Sámerádio webbas
Duojáriid ja Dáiddáriid searvvi stivra:
Nils Johan Labba, ságadoalli
Lova Isabelle Lundberg, várre ságadoalli
Lise Tapio Pittja, Lena Viltok, Tomas Magnusson, lahtut
Fredrik Prost, Sara Svonni várrelahtut