Maŋemus beaivvi njukčamánus galgá pandemiijaláhka oalát heaittihuvvot, nu got riikkabeaivi juo ovdal lea gáibidan.
Now report TT.
Geatnegasvuohta dieđihit jus lea covid-19 divššus bisuhuvvo.
Evttohusat leat proposišuvnnas man ráđđehus dal geige riikkabeaivái.
Ahte heaittihit panemiijalága ii goit vuolgge das ahte riikkabeaivi lea gáibidan dan, dadjá Lena Hallengren, sosiálministar.
-Mii leat veardidan ahte dal lea vejolaš heaittihit lága.
Jus mii livččiimet veardidan ahte ii leat nu, de livččiimet lokten dan riikkabeaivvis, dadjá Hallengren.
Maid ráđđehus dahká jus ođđa bárru leavvagoahtá čakčat ja lea dárbu doaibmabijuide fas?
-Mii eat otne oainne ahte mii fas álggahit ráddjehusaid dainna málliin go mis lea leamaš maŋemus guokte jagi.
Muhto jus dat dilli buollá, de mii fertet ođđa lága hábmet, dadjá Lena Hallengren.
Guorahallan lea jođus mas leat evttohusat ođđa njoammosuddjenláhkii muhto loahpalaš evttohusat eai galgga geigejuvvot ovdal 2023.
Covid-19 ii šat galgga veardiduvvot almmolaš- ja servodatvárálaš vihkin, dat mearkkaša ahte son gii gáddá ahte sus lea dat vihki, ii dárbbat guorrat gos vuolgá, eai leat šat errengáibádus ja dat sierra láhoo.
Dat mii bisuhuvvo lea geatnegasvuohta dieđihit jus lea covid-19 divššus.
Jus gávdná dan divššus, de dat galgá ilmmuhuvvot njoammonsuodjalussii vai lea vejolaš guorahit gos vuolgá.